The Doors (англ.: Дзверы) — амерыканскі рок-гурт, створаны ў 1965 годзе ў Лос-Анджэлесе, які моцна паўплываў на культуру і мастацтва 1960-х гадоў. Загадкавыя, містычныя, алегарычныя тэксты песень і яркі вобраз вакаліста гурта, Джыма Морысана, зрабілі The Doors ледзь ці не самым знакамітым і адначасова супярэчлівым гуртам свайго часу. Нават пасля (часовага) распаду ў 1971 годзе яго папулярнасць не змяншалася. Агульны тыраж альбомаў гурта перавышае 80 млн. асобнікаў[1].