wd wp Пошук: ⬜

Tesla Inc.

У паняцця ёсць і іншыя значэнні, гл. Тэсла.

Tesla Inc. (раней Tesla Motors) — амерыканская аўтамабільная кампанія з Крэмніевай даліны, арыентаваная на вытворчасць электрамабіляў. Названа ў гонар сусветна вядомага электратэхніка і фізіка Ніколы Теслы.

Мадэльны шэраг

Tesla Model S

Асноўны артыкул: Tesla Model S

Канцэпт аўтамабіля прадставілі 26 сакавіка 2009 года ў горадзе Хотарн, Каліфорнія.

Пастаўкі аўтамабіляў у ЗША пачаліся 22 чэрвеня 2012 года.[13] Стартавы кошт пачынаецца ад 75750 долараў у ЗША.

Tesla Model X

Асноўны артыкул: Tesla Model X 9 лютага 2012 года кампанія прадставіла прататып новай мадэлі — красовер пад назвай Tesla Model X.

У 1-м квартале 2016 года было прададзена 2400 Tesla Model X.[14]

Tesla Model 3

Асноўны артыкул: Tesla Model 3 Model 3 першапачаткова мела назвы Model E і «BlueStar», новую назву анансавалі 15 ліпеня 2014 года.[15]

Марцін Эберхард 30 ліпеня 2007 паведаміў, што аўтамабіль будзе ў продажы да 2012 года. Называўся кошт у межах 30000 долараў. Але запуск перанеслі на 2017 год, кошт паднялі да 35000 долараў ЗША.[16]

Мадэль была прадстаўлена 1 красавіка 2016 года.

Tesla Model Y

Асноўны артыкул: Tesla Model Y Красовер сярэдняга класа, прадстаўлены ў сакавіку 2019 года. Вытворчасць пачалася ў студзені 2020, пастаўкі кліентам — 13 сакавіка 2020 года.

Знятыя з вытворчасці

Tesla Roadster

Асноўны артыкул: Tesla Roadster Tesla Roadster — спартыўны электрамабіль, першы аўтамабіль кампаніі. Афіцыйная прзентацыя адбылася 19 ліпеня 2006 года ў горадзе Санта-Моніка, Каліфорнія.

Гэтая мадэль была ў продажы да 2012 года[17].

Гісторыя

Кампанія Tesla (заснаваная як Tesla Motors) была зарэгістравана 1 ліпеня 2003 года Марцінам Эберхардам і Маркам Тарпенінгам. У лютым 2004 года трое заснавальнікаў прыцягнулі інвестыцыі ў памеры 7,5 млн долараў ЗША, пры гэтым Ілон Маск унёс 6,5 млн долараў. Маск стаў старшынёй савета дырэктараў і прызначыў Эберхарда генеральным дырэктарам.[18]

Прататыпы першага аўтамабіля Tesla былі афіцыйна прадстаўлены публіцы 19 ліпеня 2006 года ў Санта-Моніцы (Каліфорнія).[19]

У 2006 годзе Маску ўдалося прыцягнуць 100 млн долараў. У выніку Tesla пачала вытворчасць сваёй першай мадэлі Roadster у 2008 годзе.[20]

У студзені 2010 года Tesla атрымала ад Міністэрства энергетыкі ЗША пазыку ў памеры 465 мільёнаў долараў, якую кампанія пагасіла ў 2013 годзе.[21]

У траўні 2010 года Tesla пачала будаўніцтва фабрыкі ў Фрымонце (Каліфорнія) для вытворчасці Model S.[22]

29 чэрвеня 2010 года Tesla пачала першаснае публічнае размяшчэнне акцый (IPO) на NASDAQ і прыцягнула 226 мільёнаў долараў, стаўшы першай амерыканскай аўтамабільнай кампаніяй, якая ажыццявіла IPO, пасля Ford Motor у 1956 годзе.[23]

У чэрвені 2012 года Tesla пачала вытворчасць свайго другога аўтамабіля - Model S. У ліпені 2017 года Tesla пачала прадаваць седан Model 3.[24]

14 сакавіка 2019 года быў прадстаўлены новы электрамабіль Tesla Model Y.[25]

У студзені 2020 года капіталізацыя кампаніі ўпершыню перавысіла 100 мільярдаў долараў[26].

10 сакавіка 2020 года быў выраблены мільённы электрамабіль маркі. Юбілейным стаў красовер Model Y чырвонага колеру[27].

У лістападзе 2020 года Tesla, Uber і яшчэ 26 амерыканскіх кампаній заснавалі арганізацыю Zero Emission Transport Association (ZETA), якая будзе лабіраваць павелічэнне колькасці электрамабіляў у ЗША.[28]

25 кастрычніка 2021 года капіталізацыя кампаніі перавысіла 1 трлн долараў.[29]

Вытворчасць

Tesla Factory (Фрымант, Каліфорнія, ЗША)

Прадукцыя:

Tesla Model S (з 2012 года) і Tesla Model X (з канца 2015 года) — магутнасць да 100 000 адз. у год.
Tesla Model 3 (з 2017 года) і Tesla Model Y (з 2020 года) — магутнасць да 550 000 у год.

Агульная магутнасць — 650 тысяч машын у год.

Tesla Gigafactory 1 (Невада, ЗША)

Гігафабрыка была ўзведзена на тэрыторыі плошчай каля 12 мільёнаў квадратных метраў на ўсход ад Рына, у паўночнай Невадзе. Будаўніцтва пачалося летам 2014 года, а ў канцы 2016 года стартавала першая чарга вытворчасці элементаў і акумулятараў. У праектаванні фабрыкі таксама актыўна ўдзельнічаў Panasonic, які ўвайшоў у якасці партнёра ў кіраванне новым заводам.

Ажыццяўляе вытворчасць літый-іённых акумулятараў, назапашвальнікаў энергіі і прывадаў. Таксама тут знаходзіцца доследна-прамысловая пляцоўка па распрацоўцы Tesla Semi.

Пачатак дзейнасці	2016
Лакацыя	акруга Сторы, штат Невада, ЗША
Агульная плошча	11 590 000 кв. м.
Колькасць супрацоўнікаў	7000
Вытворчая магутнасць	каля 70 ГВтг у год
Прадукцыя	ячэйкі тыпу 21700

Tesla Gigafactory 2 (Нью-Ёрк, ЗША)

Вырабляе сонечныя батарэі і назапашвальнікі энергіі.

Tesla Gigafactory 3 (Шанхай, КНР)

Выпускае Tesla Model 3 (з канца 2019 года) і Tesla Model Y (са снежня 2020 года). Магутнасць — больш 750 000 машын у год.

Tesla Gigafactory 4 (Брандэнбург, Германія)

Выпускае Tesla Model Y. Вытворчасць пачалася ў сакавіку 2022 года. У чэрвені тэмпы вытворчасці дасягнулі адзнакі ў 1000 адзінак у месяц. Магутнасць ацэньваецца ў больш чым 250 000 машын штогод.

Tesla Gigafactory 5 (Остын, Тэхас)

Выпускае Tesla Model Y (магутнасць — звыш 250 000 машын у год). Таксама плануецца, што тут будуць выпускацца пікапы Cybertruck, але іх запуск адкладзены на 2023 год.

Зноскі

1 2 https://www.wired.com/2009/06/tesla-founder/
↑ Tesla 2016 Form 10-K — 2017.
↑ https://www.autoblog.com/2009/08/18/tesla-moving-hq-building-powertrain-plant-in-palo-alto/
1 2 3 Tesla Annual Report 2021 SEC 10-K
1 2 3 Tesla Motors. Tesla Motors, Inc. – Fourth Quarter & Full Year 2015 Update (нявызн.) (PDF) (недаступная спасылка). Tesla Motors (10 лютага 2016). Архівавана з першакрыніцы 12 красавіка 2016. Праверана 31 сакавіка 2016.
↑ Tesla Motors, Inc. – Fourth Quarter & Full Year 2013 Shareholder Letter (нявызн.) (недаступная спасылка). Архівавана з першакрыніцы 27 мая 2014. Праверана 12 студзеня 2022.
↑ Tesla Motors, Inc. (нявызн.) (недаступная спасылка). Архівавана з першакрыніцы 13 мая 2013. Праверана 11 снежня 2016.
↑ Tesla Motors, Inc. (TSLA) Income Statement - NASDAQ.com
↑ TSLA Annual Income Statement - Tesla Motors Inc. Annual Financials
↑ Forbes Tesla (TSLA) Stock Key Data
↑ Tesla 2017 Form 10-K — 2018.
↑ https://www.sec.gov/Archives/edgar/data/1318605/000119312516697498/d241192ds4.htm
↑ Model S Deliveries have begun (нявызн.) (недаступная спасылка — гісторыя ).(недаступная спасылка)
↑ Tesla Delivers 14,820 Vehicles in Q1 2016; On Track for Full-Year Delivery Guidance (нявызн.). MarketWired.com.
↑ Confirmed: Our Gen III car, due out after Model X, will be named Model 3. (нявызн.).
↑ Ілан Маск аб’явіў пра выхад бюджэтнага электрамабіля Tesla Model 3 у 2017 годзе
↑ Farewell Roadster: Tesla Will Stop Taking Orders for its Iconic EV in Two Months (нявызн.). Архівавана з першакрыніцы 2 чэрвеня 2012. Праверана 11 снежня 2016.
↑ History of Tesla: Timeline and Facts (нявызн.). thestreet.com. Праверана 20 снежня 2021.
↑ Zero to 60 in 4 Seconds, Totally From Revving Batteries (нявызн.). nytimes.com. Праверана 20 снежня 2021.
↑ Electric Car Evolution (нявызн.). cleantechnica.com. Праверана 20 снежня 2021.
↑ Tesla gets loan approval from US Department of Energy (нявызн.). tesla.com. Праверана 20 снежня 2021.
↑ Idle Fremont Plant Gears Up for Tesla (нявызн.). wsj.com. Праверана 20 снежня 2021.
↑ Growth Of Tesla Guide (нявызн.). comparebrokers.co. Праверана 20 снежня 2021.
↑ Everything you need to know about Tesla Model 3, which is starting production (нявызн.). theverge.com. Праверана 20 снежня 2021.
↑ Tesla unveils Model Y electric SUV with 300 miles range and 7-seats (нявызн.). electrek.co. Праверана 20 снежня 2021.
↑ Tesla Surges Past $100 Billion Market Value, Eclipsing VW(англ.) . Bloomberg (22 студзеня 2020). Праверана 24 студзеня 2020.
↑ Tesla Model Y Becomes 1,000,000th Car Produced By Tesla(англ.) . insideevs.com (10 сакавіка 2020). Праверана 12 сакавіка 2020.
↑ Clean Transportation Leaders Launch Zero Emission Transportation Association (нявызн.). prnewswire.com. Праверана 20 снежня 2021.
↑ Tesla breaks $1tn valuation barrier after Hertz orders 100,000 vehicles (нявызн.). theguardian.com. Праверана 20 снежня 2021.

Спасылкі

Mark Kane. Tesla Production Sites By Model Assignment, Capacity: July 2022(англ.) . insideevs.com (21 ліпеня 2022). Праверана 24 ліпеня 2022.
Francesco Barontini. La Gigafactory Nevada: dove nascono le batterie Tesla(італ.) . it.motor1.com (17 снежня 2021). Праверана 21 верасня 2022.