Sphyrna — адзін з двух родаў сямейства молатагаловых акул (Sphyrnidae). Гэтыя акулы насяляюць у трапічных водах ўсіх акіянаў. Часцей сустракаюцца ўздоўж зоны прыбоя, чым у адкрытым моры. Рацыён складаецца з касцістых рыб, скатаў, ракападобных і іншых донных жывёл[1]. Упершыню род быў згаданы Карлам Лінеем у 1758 годзе, а апошні від, які належыць да гэтага роду, быў апісаны ў 2013 годзе. Лацінская назва роду, як і сямейства, паходзіць ад слова грэч.: σφῦρα — «молат». Гэтыя акулы могуць апускацца на глыбіню да 1000 м, але часцей за ўсё сустракаюцца не глыбей 20 м[2].