Sphaerosciadium — манатыпны род двухдольных раслін сямейства Парасонавыя (Apiaceae), які ўключае від Sphaerosciadium denaense (Pimenov & Kljuykov)[3]. Выдзелены расійскімі батанікамі Міхаілам Георгіевічам Піменавым і Яўгенам Васільевічам Клюйковым у 1981 годзе[4].
Sphaerosciadium denaense — вельмі рэдкі рэліктавы від[5].
Сустракаецца на скалах[5].
Адзіны від з’яўляецца эндэмікам Узбекістана[6], вядомы з двух участкаў у раёне Гісарскага хрыбта ў Сурхандар’інскай вобласці[5].
Полікарпічныя, адзінкава рослыя расліны вышынёй каля 1 м[5].
Лісце ланцэтападобнае, суцэльнае, даўжынёй 20-30 см[5], размешчана чаргова.
Суквецце — 10-12-прамянёвы парасон; кветкі без абгортак[5].
Плод — віслаплоднік[7] двойчатай шарападобнай формы[5].
Цвіце ў красавіку і маі, плоданасіць у маі. Размнажэнне насеннае[5].
Sphaerosciadium denaense занесены ў Чырвоную кнігу Узбекістана; раней уключаўся ў Чырвоную кнігу СССР[7]. Асноўная пагроза віду — выпас жывёлы[5].
Па стане на 2009 год у даліне ракі Сангардак (адзін з двух участкаў арэалу віду) было адзначана толькі 70 асобнікаў раслін, аднак ніякіх мер па ахове папуляцыі не прадпрымалася[5].