SM Entertainment Co., Ltd. (кар.: SM엔터테인먼트) — паўднёвакарэйская транснацыянальная забаўляльная кампанія. Яна з’яўляецца адной з найбуйнейшых у Паўднёвай Карэі і ўваходзіць у так званую карэйскую «Вялікую тройку». Кампанія была заснавана ў 1995 годзе прадзюсарам Лі Су Манам. З цягам часу яна стала адной з тых, хто папулярызаваў і развіў музыку жанра K-pop, а таксама стала агенцтвам мноства зорак, якія зараз збіраюць велізарную колькасць прыхільнікаў па ўсім свеце. Кампанія мае мноства галін і працуе як гуказапісны лэйбл, агенцтва талентаў, музычная прадзюсарская кампанія, кампанія па арганізацыі вытворчасці і канцэртаў, а таксама музычнае выдавецтва. Асабліва кампанія значная тым, што першая пачала прасоўваць жанр K-pop у масы і дала пачатак перыяду хуткага развіцця карэйскай музыкі, больш вядомаму як «халю» (літаральны пераклад: карэйская хваля).
Пасля свайго выпуску з Каліфарнійскага ўніверсітэта (Нортрыдж, ЗША) Лі Су Ман вярнуўся ў Карэю і ў 1989 годзе заснаваў кампанію (тады яшчэ вядомую як SM Studio) у Абгучон-доне, які знаходзіцца каля сеульскага раёна Канама. Першым артыстам лэйбла стаў спявак Хён Джын Ён. У перыяд 1990-х SM Studio распрацавала ўласную сістэму, якая дапамагала кантраляваць усе бакі кар’еры артыстаў. Падыход кампаніі быў арыентаваны на падлеткавую аўдыторыю і меў цэласны погляд на якасці, неабходныя, каб стаць паспяховым артыстам. У лютым 1995 года кампанія змяніла назву на SM Entertainment і стварыла свой фонд капіталу. Пасля SM распрацавала ўласную сістэму вытворчасці і стварыла шэраг паспяховых гуртаў, у тым ліку бойз-бэнд H.O.T. (1996), дзявочы гурт S.E.S. (1997), бойз-бэнд Shinhwa (1998), R&B-дуэт Fly to the Sky (1999). У 2000 годзе ў кампаніі дэбютавала вядомая карэйская салістка Боа.
У 1995 годзе генеральным дырэктарам SM быў прызначаны Чон Хэ Ік, якога ў 1998 змяніў на гэтай пасадзе Кім Кён Ук.
У склад даччыных кампаній SM Entertainment уваходзяць:
Аддзелы
Галіны
Лэйблы
|
Сола-выканаўцы
|
Гурты |
Саб-юніты
|
Праектныя гурты
|