«Сло́во Ойчы́стэ», Słowo Ojczyste (Роднае слова) — часопіс, які выдаецца ў Гродне на польскай мове грамадскім аб’яднаннем «Польская Маці Школьная на Беларусі» («Polska Macierz Szkolna na Białorusi»).
Часопіс асвятляе жыццё грамадскага аб’яднання, дзейнасць педагогаў і пляцовак, якія займаюцца навучаннем польскай мове. Значнае месца аддаецца прапановам і матэрыялам па методыцы навучання, парадам педагогам. Выданне таксама змяшчае артыкулы па гісторыі, краязнаўстве, літаратурныя творы польскіх аўтараў, легенды і паданні.
На пачатак 2008 г. выдадзена больш за 90 нумароў часопіса. Галоўны рэдактар — Ірына Чарняк.