«Rubber Soul» ― шосты студыйны альбом гурта «The Beatles», выпушчаны 3 снежня 1965 года. Альбом быў запісаны ўсяго толькі за чатыры тыдні, паспех быў абумоўлены жаданнем паспець выдаць альбом да калядных свят. Па меркаванні шматлікіх музыказнаўцаў, менавіта з альбома «Rubber Soul» у творчасці гурта пачаліся карэнныя змены, якія прывялі да развіцця мноства незвычайных суб-плыняў у рок-музыцы. Напрыклад, у песні «Norwegian Wood (This Bird Has Flown)[en]» Джордж Харысан упершыню выкарыстоўваў індыйскі інструмент сітар[hi], што пазней прывяло да нараджэння рага-рока[hi] ― разнавіднасці рок-музыкі, у якой ключавую ролю гуляюць індыйскія інструменты.
Назва альбома была натхнёная тэрмінам «пластыкавы соўл[en]», які спадабаўся Полу Мак-Картні.