Psylloidea — надсямейства паўцвердакрылых насякомых з падатраду Sternorrhyncha.
Дробныя паўцвердакрылыя насякомыя, якія не перавышаюць 5 мм (ад 1, 2 да 5,8 мм). Насякомыя-фітафагі, якія харчуюцца сокамі раслін. Вусікі 10-членікавыя (радзей з 8-9), ніткападобныя. Заднія ногі скакальныя і таму развіты мацней двух пярэдніх пар. Пярэднія крылы буйней задняй пары, у спакоі складваюцца дахападобна. Акрамя палавога размнажэння ў арктычных відаў знойдзены партэнагенез. Німфы (лічынкі) маюць 5 узростаў. Некаторыя віды шкодзяць садоўніцтву (медзяніца грушавая (Psylla pyri) і медзяніца яблыневая (Psylla mali)), лясной гаспадарцы[1][2][3].
Пашыраны ўсюды, акрамя Антарктыды. Налічваецца каля 1500 відаў, 71 род; у Еўропе каля 200 відаў. Ва Усходняй Еўропе каля 160 відаў, найбольш трапляюцца медзяніцы яблыневая (Psylla mali) і грушавая (Psylla pyri), лістаблошкі капусная і маркоўная (Trioza apicalis) і інш. Жывуць калоніямі. Многія віды — шкоднікі раслін, галаўтваральнікі, пераносчыкі вірусных хвароб раслін.
Надсямейства ўключае ў сябе больш за 3000 відаў з 235 родаў. Для СССР паказвалася 500 відаў. У яго ўваходзяць наступныя сямействы[4][5]:
Самыя шматлікія сямействы: лістаблошкі (Psyllidae) і Triozidae, астатнія ўключаюць у сябе ўсяго па некалькі родаў. Liviidae і Spondyliaspididae часам ўключаюць у сямейства лістаблошак.