Phthorimaea operculella — від молі сямейства Gelechiidae. Алігафаг, які пашкоджвае бульбу (клубні і вегетатыўную частку), баклажаны, тытунь, таматы, перац, паслён, дурнап’ян, беладонну, фізаліс і іншыя дэкаратыўныя паслёнавыя.
Phthorimaea operculella размнажаецца ў полі і сховішчах. Вусені выядаюць парэнхіму лісця, утвараючы міны на іх. Вусень можа ўгрызацца ў хвасток, і тады лісток гіне цалкам. Характэрная знешняя прыкмета пашкоджання клубняў бульбы вусенямі — навалы экскрыментаў на паверхні. Вусені развіваюцца ў сярэдзіне клубняў, пранізваючы іх хадамі, такія клубні нагадваюць губку. У асобных клубнях можа развівацца больш за 10 вусеняў. Клубні бульбы, моцна пашкоджаныя гэтым відам молі, становяцца непрыдатнымі для пасадкі і перапрацоўкі.
Распаўсюджваецца на ўсіх стадыях развіцця з клубнямі бульбы і пладамі паслёнавых культур.