Parantica sita — дзённы матылек з падсямейства Danainae. Шырока распаўсюджаны на тэрыторыі Азіі від, на тэрыторыі Расіі — рэдкі від-мігрант, які трапляе сюды разам са спадарожнымі вятрамі.
Размах крылаў часам можа перавышаць 100 мм. Верхні бок пярэдніх крылаў бледна-зялёны з чорным малюнкам, асабліва інтэнсіўным па знешнім краі крылаў. Заднія крылы ад кораня да знешняга поля таксама бледна-зялёнага колеру. Далей не задніх крылах праходзіць цёмная паласа з дробнымі светлымі плямамі, якіх звычайна 5 штук. Увесь знешні край і пярэдні край крылаў афарбаваны ў бардова-карычневы колер.
Насяляе змешаныя і трапічныя лясы. Лёт матылькоў назіраецца на працягу ўсяго лета.
Поўдзень Прымор’я і востраў Сахалін у Расіі, Карэя, Кітай, Японія, Паўночная Індыя, паўночны Пакістан, Кашмір, Сікім, Тайвань, Малайзія.
Вусені харчуюцца на раслінах сямейства Apocynaceae: Asclepias curassavica, Cynanchum caudatum, Cynanchum grandifolium, Cynanchum sublanceolatum, Hoya carnosa, Marsdenia tinctoria, Marsdenia tomentosa, Metaplexis spp., Tylophora aristolochioides, Tylophora floribunda, Tylophora japonica, Tylophora ovata, Tylophora tanakae.