Pantherophis bairdi — від змей з роду Pantherophis[1]. Раней, як і іншыя змеі гэтага роду, уключалася ў род Elaphe[2]. Насяляе захад Тэхаса і паўночную частку Мексікі.
Від быў названы ў гонар амерыканскага заолага Спенсера Фулертана Бэйрда.
Дарослыя асобіны могуць дасягаць да 1,5 метра ў даўжыню. Расфарбоўка ад аранжава-жоўтага да ярка-жоўтага ці цямнейшага колеру, з чатырма палосамі, якія цягнуцца ад шыі да хваста. Жывот звычайна шэры, жоўты, цямнее ля хваста.
Сілкуюцца грызунамі і іншымі дробнымі сысунамі, таксама ловяць птушак. Маладняк часта есць яшчарак.
Жыве ў скалах, на лясістых схілах і ў каньёнах. Актыўная днём.
Яйцакладныя. У кладцы ад 5 да 15 яек.
Роднасная Pantherophis obsoletus[3].