NewJeans (кар.: 뉴진스, рам.: Nyujinseu) — паўднёвакарэйскі дзявочы K-pop гурт, сфармаваны лэйблам ADOR, адной з дачынных кампаній HYBE Corporation. Гурт складаецца з пяці ўдзельніц: Мінджы, Ханні, Даніэль, Хэрын і Хеін. Гурт выпусціў свой пераддэбютны сінгл «Attention» 22 ліпеня 2022 года, а 1 жніўня дэбютаваў з міні-альбомам пад назвай New Jeans.[1]
Назва гурта, NewJeans (літ. пераклад: новыя джынсы), мае двайны сэнс[2]. Яна намякае на нязменную моду на джынсы і тым самым адлюстроўвае намер групы стварыць для сябе такі ж вечны вобраз[3]. З другога боку, назва таксама з’яўляецца гульнёй англійскіх слоў (New Jeans гучыць як new genes, з англ.: новыя гены), што адсылае да так званага новага пакалення поп-музыкі, якое пачынаецца з дзейнасці гурта[4][5].