NASDAQ OMX Vilnius (Вільнюская фондавая біржа, літ.: Vilniaus vertybinių popierių birža, VVPB; англ.: Vilnius Stock Exchange, VSE) — фондавая біржа, заснаваная ў 1993 годзе і дзеючая ў Вільнюсе.
Гэта адзіная рэгулёўная біржа ў Літве. Біржа належыць групе OMX, якая таксама кіруе біржамі ў Хельсінкі і Стакгольме. Вільнюская фондавая біржа, сумесна з Рыжскай фондавай біржай і Талінскай біржай, з’яўляецца часткай аб’яднанага Балтыйскага рынку, створанага з мэтай мінімізацыі бар’ераў эстонскага, латвійскага і літоўскага біржавых рынкаў.
Капіталізацыя рынку акцый на VSE складае 6,6 млрд еўра і 1 млрд еўра складаюць выпускі аблігацый (па стане на 9 лістапада 2006 года). Дырэктар і старшыня кіравання — Армінта Саладжэнэ (Arminta Saladžienė).