«Mortal Kombat 11» (скар. «MK11»; з англ. — «Смяротная бітва 11») — камп’ютарная гульня ў жанры файтынг, распрацаваная амерыканскай студыяй «NetherRealm Studios» пад выдавецтвам «WB Games» для гульнявых платформаў PlayStation 4, Xbox One, Nintendo Switch і Microsoft Windows. «Mortal Kombat 11» з’яўляецца працягам «Mortal Kombat X» і адзінаццатай па ліку гульнёй у асноўны серыі «Mortal Kombat». Анонс гульнявога трэйлера ўпершыню быў прадстаўлены на «The Game Awards 2018». Выхад гульні адбыўся 23 красавіка 2019 года. У канцы студзеня 2019 года было абвешчана, што дата выхаду фізічных копій гульні на Nintendo Switch у Еўропе была перанесена на 10 траўня 2019 года[4]. 17 лістапада 2020 гульня выйшла на платформах PlayStation 5 і Xbox Series X[5].