wd wp Пошук: ⬜

MEDLINE

Medline (MEDlars[1] onLINE) — найбуйнейшая бібліяграфічная база артыкулаў па медыцынскіх навуках, створаная Нацыянальнай медыцынскай бібліятэкай ЗША (U.S. National Library of Medicine, NLM). Ахоплівае каля 75 % сусветных медыцынскіх выданняў. Выкарыстоўвае слоўнік MeSH.

Перавагі базы:

• Хуткі пошук артыкулаў па зададзенай тэме з атрыманнем для іх абстрактаў і бібліяграфічных даных;
• Падаецца магчымасць звязацца з аўтарамі публікацыі.

Недахопы:

• Абстракты для старых артыкулаў могуць быць няпоўныя.

Статыстыка

База ўтрымлівае больш за 18.8 млн запісаў [2] пра публікацыі з 1950 года і да цяперашняга часу. Першапачаткова база ўтрымлівала артыкулы, напісаныя пасля 1965 года, але затым былі дададзены і больш раннія публікацыі.

Для запісаў, дададзеных у 1995-2003 годзе: каля 48% апублікавана ў ЗША, каля 88% на англійскай мове і для 76% маюцца абстракты на англійскай мове, прадстаўленыя аўтарамі працы.

Індэксуецца каля 5 тыс. навуковых часопісаў.

Інтэрфейсы

Існуе некалькі інтэрфейсаў, з дапамогай якіх ажыццяўляецца доступ да базы даных Medline. Сярод іх свабодныя, такія як PubMed і HubMed, і камерцыйныя, напрыклад, Ovid Technologies, SwetsWise і некаторыя іншыя.

Зноскі

1. ↑ MEDLARS (MEDical Literature Analysis and Retrieval System)
2. ↑ NLM Systems: Data, News and Update Information

Спасылкі

• MEDLINE. Практычнае кіраўніцтва. — Апублікавана ў Беларускім медыцынскім часопісе, № 1, 2004 г.
• Саветы па працы ў Pubmed Архівавана 19 ліпеня 2009.

Тэмы гэтай старонкі (3):
Катэгорыя·Бібліяграфічныя даведнікі і базы даных
Катэгорыя·Базы даных у Інтэрнэце
Катэгорыя·Крыніцы медыцынскай інфармацыі