wd wp Пошук: ⬜

Ikarus

У паняцця ёсць і іншыя значэнні, гл. Icarus.

Ikarus — у 1970-80-я гады найбуйнейшая ў Еўропе, а цяпер невялікая прыватная аўтобусабудаўнічая кампанія, заснаваная ў 1895 годзе ў якасці кавальска-карэтнай майстэрні ў Будапешце. Прадпрыемства выйшла на прынцыпова новы ўзровень у канцы 1960-х гадоў з увядзеннем у строй завода ў Секешфехервары гадавой магутнасцю 15 тыс. аўтобусаў, пабудаваным спецыяльна для вытворчасці мадэляў 200-й серыі. У рамках гандлёвых пагадненняў аўтобусы паступалі ў краіны СЭВ, Алжыр, Мазамбік, Танзанію і іншыя краіны Афрыкі, спецыяльныя мадэлі вырабляліся для ФРГ і скандынаўскіх краін. Пазней сумесную вытворчасць аўтобусаў Ікарус была арганізавана ў ЗША, Канадзе, Інданезіі, КНДР, Кубе. У 1970-я гады завод пастаўляў у СССР да 12 тыс. аўтобусаў штогод, пік паставак прыйшоўся на 1984 год. У 1990-х гадах краінамі былога СССР было закуплена вялікая колькасць патрыманых аўтобусаў з краін Усходняй Еўропы.

Разам з масавымі мадэлямі, заводам у адзінкавых колькасцях вырабляліся унікальныя аўтобусы, у прыватнасці: пярэднематорны 14-метровы нізкападлогавы Ікарус-290 для абслугоўвання аэрапортаў (1978 год), гарадскія з паніжаным узроўнем падлогі і заднім размяшчэннем рухавіка - адзіночны Ікарус-242 і сучленены Ікарус-284 (1984 год), паўпавярховы Ікарус-270 (1975 год), міжгародні Ікарус-254 з падвышанай вышынёй салона (1977 год), 23-метровы чатырохвосевы трохсекцыйны Ікарус-293 (1988 год).

Мадэлі аўтобусаў Ікарус

1950—1960 гады

Ikarus-55
Ikarus-556
Ikarus-620
Ikarus-180 — гарадскі, сучленены

1970—1980 гады

Ikarus-211 — міжгародны
Ikarus-212 — міжгародны
Ikarus-242 — гарадскі (нізкі)
Ikarus-246 — гарадскі, даўжыня 12м, рухавік RABA D10 UTSLL-184
Ikarus-250 — міжгародны
Ikarus-250 SL — спецыяльнага прызначэння, павышанай камфортнасці
Ikarus-254 — турыстычны
Ikarus-255 — міжгародны
Ikarus-256 — міжгародны, даўжыня 11 м, 43-45 сядушак
Ikarus-259 — міжгародны
Ikarus-260 — гарадскі, даўжыня 11,1 м, 22 сядушкі
Ikarus-263 — гарадскі, даўжыня 11,9 м, рухавік RABA D10 UTSLL-160 (180 л.с.)
Ikarus-270 — турыстычны, вопытны ўзор
Ikarus-280 — гарадскі, сучленены, даўжынёй 16,5 м, 37 сядушак
Ikarus-281 — гарадскі, сучленены з правым рулём
Ikarus-282 — гарадскі, сучленены (нізкі)
Ikarus-283 — гарадскі, сучленены, даўжынёй 18 м.
Ikarus-284 — гарадскі, сучленены з размяшчэннем рухавіка ў задняй частцы (нізкі)
Ikarus-286 — гарадскі, сучленены
Ikarus-290 — выкарыстоўваецца (выкарыстоўваўся) у аэрапортах для пасадкі/высадкі пасажыраў
Ikarus-293 — аўтобус, які так і не выйшаў на вуліцы гарадоў у Расіі

1990—2000 гады

Ikarus-350
Ikarus-386 — турыстычны, даўжыня 11,6 м, рухавік RABA D10 UTSLL-218 (180 л.с.), сядушак 46(+1). Хуткасць да 113 км/г.
Ikarus-412 — гарадскі, нізкападлогавы, даўжыня 12 м.
Ikarus-415 — гарадскі, даўжыня 11,4 м, рухавік RABA D10 UTS (180 л.с.), сядушак 20(+1).
Ikarus-416 — гарадскі, даўжыня 11,4 м, для рынку ЗША.
Ikarus-417 — гарадскі, сучленены, нізкападлогавы, даўжынёй 18 м.
Ikarus-435 — гарадскі, сучленены, даўжынёй 18 м.
Ikarus-436 — гарадскі, сучленены, даўжынёй 18 м, для рынку ЗША.
Ikarus-489 — гарадскі, даўжыня 12 м.
Ikarus-E91 — гарадскі, даўжыня 8 м.

Літаратура

Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1999. — 608 с.: іл. ISBN 985-11-0279-2

Спасылкі

На Вікісховішчы ёсць медыяфайлы па тэме Ikarus

Спасылкі

Тэхнічнае апісанне аўтобусаў Ікарус
Кнігі пра аўтобусы Ікарус (у архіве Інтэрнэту)
Фатаграфіі ўсіх мадыфікацый аўтобусаў Ікарус Архівавана 24 красавіка 2011.
Ikarus-55
Amkodor-10126 (Ikarus-280) Архівавана 12 лютага 2017.
Ikarus-C83.30G(недаступная спасылка)