Hydrophis — род змей з падсямейства марскіх змей. У склад роду ўключаюць 48 відаў[1].
Агульная даўжыня прадстаўнікоў гэтага роду вагаецца ад 80 см да 2,75 м. Галава вялікая. Тулава вельмі тоўстае. Хвост пляскаты, даволі кароткі, нагадвае ласты. Афарбоўка карычневая, чорная, бурая, жаўтлявая са шматлікімі плямамі рознай велічыні і формы.
Насяляюць у водах Індыйскага акіяну і заходніх раёнах Ціхага акіяну.
Аддаюць перавагу марскім водам, дзе праводзяць усё жыццё. Сілкуюцца рыбай і малюскамі.
Яд досыць небяспечны для чалавека.
Гэта яйцажывародныя змеі. Самкі нараджаюць да 7 дзіцянятаў.