GN-z11 — галактыка ў сузор’і Вялікая Мядзведзіца (экватарыяльныя каардынаты: Шаблон:AstroCoord[1]). Мае чырвонае зрушэнне z = 11,1, святло ішло ад галактыкі 13,4 мільярда гадоў, гэта значыць яна сфарміравалася праз 400 мільёнаў гадоў пасля Вялікага выбуху[1]. З прычыны расшырэння сусвету, спадарожная адлегласць да галактыкі складае каля 32 мільярдаў светлавых гадоў. GN-z11 у 25 разоў меншая за Млечны Шлях па памеры і ў 100 разоў меншая паводле масы зорак. На гэты момант яна расце, утвараючы зоркі, з хуткасцю прыкладна ў 20 разоў хутчэй за Млечны Шлях.
Станам на 3 сакавіка 2016 года GN-z11 з’яўляецца самым аддаленым з вядомых аб’ектаў у Сусвеце[2]. Раней найбольш аддаленай ад Зямлі галактыкай лічылася Egsy8p7 (адлегласць — 13,1 мільярда светлавых гадоў), якая была знойдзена ў абсерваторыі Кека на Гаваях улетку 2015 года.
GN-z11 была ідэнтыфікавана групай вывучэння даных касмічнага тэлескопа «Хабл» з дапамогай Шырокавугольнай камеры-3[3].
Рэкорды | ||
---|---|---|
Папярэднік: Egsy8p7 |
Найбольш аддалены астранамічны аб'ект 2016 — нашы дні |
Пераемнік: — |
Папярэднік: Egsy8p7 |
Найбольш аддаленая галактыка 2016 — нашы дні |
Пераемнік: — |