Exsurge Domine (літар. «Паўстань, Госпадзе!»; выдадзена 15 чэрвеня 1520 г.) — папская була, якая асуджае дзеянні Марціна Лютэра і пагражае яму адлучэннем ад царквы. Адзін з зыходных пунктаў Контррэфармацыі. 10 снежня 1520 г. сам Лютэр і група нямецкіх студэнтаў у Вітэнбергу публічна спалілі перад Эльстэрнскімі варотамі папскую булу і іншыя кананічныя законы[1]
У п. 33 дадзенай булы Папа Леў X аб’яўляе меркаванне аб тым, што «спаленне ерэтыкоў не супярэчыць волі Духа» так як яны нясуць ў сабе «згубны яд», «чыняць ганьбу хрысціянскай рэлігіі і шкоду артадаксальнай веры», і таму «ні пры якіх абставінах іх нельга больш цярпець або абыходзіць увагай». У гэтым жа дакуменце Папа падтрымлівае дзеянні верных яму германскіх правіцеляў, якія праводзяць палітыку «знішчэння нямецкіх ерэтыкоў», а таксама станоўча ацэньвае спаленне на Канстанцкім саборы (1414—1418 гг.) Ераніма Пражскага. [2]