Дзяржаўнае акцыянернае таварыства Эсту Энергія (эст.: Riigi aktsiaselts Eesti Energia) — міжнародны энергетычны канцэрн. Заснаваны ў Эстоніі ў 1939 годзе. Дзее ў краінах Балтыі[4], Фінляндыі, Іарданіі[5] і ЗША.
Асноўнай сыравінай для вытворчасці энергіі служыць гаручы сланец, пры спальванні якога вырабляецца 90% электраэнергіі ў Эстоніі. У апошні час укараняюцца прыродаашчадныя тэхналогіі з выкарыстаннем альтэрнатыўных крыніц энергіі — ветраныя[6] і гідраэлектрастанцыі.
У маі 2009 года група змяніла свой імідж. Замест выкарыстання дваццаці розных лагатыпаў у даччыных прадпрыемствах было ўведзена адзіная па ўсёй Эстоніі назва і лагатып[7]. На вонкавым рынку арганізацыя дзее пад брэндам «Enefit»[4]. З гэтага часу Eesti Energia працуе і кіруе бізнесам пад адзіным брэндам у розных кірунках — здабыча і транспартаванне сыравіны і вытворчасць, транспартаванне і продаж электрычнай і цеплавой энергіі[7], а таксама вытворчасць сланцавага алею[8].