«Dark Horse Comics» (з англ. — «цёмны конік») — адно з найбуйнейшых незалежных выдавецтваў у ЗША, якое спецыялізуецца на коміксах і манзе. Заснавана ў 1986 годзе Майкам Рычардсанам, які да таго часу ўжо меў некалькі крам у штаце Арэгон і займаўся продажам коміксаў. На даходы з крам ён і заснаваў «Dark Horse Comics». З таго часу выдавецтва пашыралася і развівалася, і цяпер змагаецца за трэцяе месца сярод выдаўцоў коміксаў з кампаніямі «Image Comics» і «IDW Publishing».[1]