British Gas plc — была пастаўшчыком энергетычных і бытавых паслуг у Вялікабрытаніі.
Яна была ўтворана, калі Брытанская газавая карпарацыя была прыватызавана ў снежні 1986 года ў выніку прыватызацыі, ініцыяванай урадам Маргарэт Тэтчэр.
Кампанія была ўтворана, калі кансерватыўны ўрад Вялікабрытаніі на чале з прэм’ер-міністрам Маргарэт Тэтчэр увёў Закон аб газе 1986 года, які прывёў да прыватызацыі Брытанскай газавай карпарацыі, і 8 снежня 1986 года яе акцыі былі выпушчаныя на Лонданскай фондавай біржы. Каб заахвоціць людзей стаць акцыянерамі, прапанова была інтэнсіўна рэкламавана з дапамогай рэкламных ролікаў «калі вы ўбачыце Сіда… скажы яму!». Сід — абстрактнае імя і кожны персанаж роліка перадае наступнаму інфармацыю пра кампанію і кажа гэтую фразу.
Першапачатковае публічнае размяшчэнне акцый у памеры 135 пені за акцыю ацаніла кампанію ў 9 мільярдаў фунтаў стэрлінгаў, што стала самай высокай прапановай акцый у той час. Урад таксама стварыў індустрыяльную рэгуляцыю газазабеспячэння (Ofgas), каб абараніць патрэбы кліентаў. Пазней ён стаў часткай кіравання рынкаў газу і электраэнергіі (Ofgem).
У межах падрыхтоўкі да адкрыцця рынка паставак газу для канкурэнцыі, ў 1996 годзе British Gas plc давялося прайсці сур’ёзную рэструктурызацыю, якая падзяліла кампанію на пяць падраздзяленняў:
У чэрвені 1991 года старшыня кіравання Роберт Эванс выклікаў спрэчкі, пагадзіўшыся на павышэнне заробка на 66%, што ў дзесяць разоў перавышала ўзровень інфляцыі ў той час. Гэта прывяло да таго, што яго зарплата вырасла з 222 000 да 370 000 фунтаў стэрлінгаў, што было асуджана Лейбарысцкай партыяй як «відавочная неўтаймаваная прагнасць». Гэта рушыла ўслед за абвінавачваннямі ў прагнасці супраць кампаніі месяцам раней, калі яна паведаміла пра рост прыбытку да падаткааблажэння на 42%[1].
У лютым 1997 года кампанія была падзелена на асобныя часткі, якія ўтварылі Centrica, BG Group і Transco. Асноўны брэнд па-ранейшаму выкарыстоўваецца сёння ў якасці дачэрняй кампаніі Centrica.