«Book of Demons» ― ізаметрычная[en] экшн[en] ролевая гульня, створаная польскай студыяй «Thing Trunk[en]». Гульня была афіцыйна выпушчана праз «Steam»[1] 13 снежня 2018 года.[2][3] Гульня першапачаткова распрацоўвалася для «Microsoft Windows», але распрацоўшчыкі паведамілі аб планах выпусціць яе і на «Xbox One».[4] «Book of Demons» ― першая частка серыі «Return 2 Games», мэта якой ― данесці класічныя хардкорныя жанры да шырокай аўдыторыі. У гульні ёсць незвычайны мастацкі стыль ― усе элементы гульні (пачынаючы з графічнага інтэрфейсу і заканчваючы монстрамі) візуалізуюцца ў выглядзе выразак з паперы[en] і элементаў усплывальнай кнігі[en], і такі стыль вызначае візуальную аснову для ўсёй серыі.[5] Гульня таксама прыўносіць у жанр некаторыя навінкі ― картачная сістэма, якая замяняе тыповыя для гэтага жанру сістэмы абсталявання і навыкаў, функцыя «Flexiscope», якая дазваляе гульцам кантраляваць працягласць гульнявога сеанса і перамяшчэнне, абмежаванае шляхам, які дадае тактычны элемент у геймплэй.[6]