Boney M. (Боні Эм.) — дыска-гурт, створаны ў 1975 годзе ў ФРГ вядомым заходнегерманскім музычным прадзюсарам Фрэнкам Фарыянам. Усе прыцягнутыя да праекту выканаўцы нарадзіліся за межамі Германіі, на Карыбскіх астравах, перабраўшыся ў Заходнюю Еўропу ў падлеткавым узросце. Падчас працы ў праекце «Boney M.» удзельнікі групы пражывалі ў Вялікабрытаніі (Лондан) і Заходняй Германіі (Гамбург, Гановер, Франкфурт-на-Майне).