Bertie the Brain
«Bertie the Brain» ― адна з першых камп’ютарных гульняў у гісторыі, створаная Джозефам Кейтсам[en] у Таронта для Канадскай нацыянальнай выстаўкі[en] 1950 года. Уяўляе сабой камп’ютар вышынёй чатыры метры, на якім наведвальнікі выстаўкі маглі згуляць у крыжыкі-нулікі супраць штучнага інтэлекту. Гулец уводзіў ход з дапамогай падсветленай клавіятуры ў форме сеткі тры на тры, а сама гульня праходзіла на сетцы з лямпаў, размешчанай вышэй. У машыны быў наладжвальны ўзровень складанасці. Пасля двух тыдняў, праведзеных на выстаўцы па ініцыятыве «Rogers Majestic[en]», гульня была разабрана і забыта.
Кейтс пабудаваў гульню для дэманстрацыі вынайдзенай ім мініятурнай версіі электроннай лямпы[en], якая не знайшла ўжывання на практыцы, бо неўзабаве камп’ютары перайшлі на транзістары, а праблемы з патэнтам не дазволілі лямпам Кейтса распаўсюдзіцца за межы «Bertie» да гэтага моманту. «Bertie the Brain» лічыцца адной з першых камп’ютарных гульняў, і, верагодна, з’яўляецца першай гульнёй, якая візуальна адлюстроўвае гульнявы працэс. Яна была створана ўсяго праз тры гады пасля вынаходства ракетнага сімулятара, першай інтэрактыўнай электроннай гульні. З іншага боку, выкарыстанне лямпаў замест экрана для візуальнага адлюстравання гульнявога працэсу супярэчыць некаторым азначэнням камп’ютарных гульняў.
Зноскі
Спасылкі
 |
Bertie the Brain на Вікісховішчы |
|---|
Катэгорыя·Камп’ютарныя гульні 1950 года
Катэгорыя·Камп’ютарныя гульні, распрацаваныя ў Канадзе
Катэгорыя·Камп’ютарныя гульні паводле алфавіта
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Гісторыя камп’ютарных гульняў