Anime News Network (англ. «Сетка навін анімэ», скарочана ANN) — англамоўны вэб-сайт, прысвечаны анімэ-індустрыі. На ім публікуюцца навіны анімэ, мангі, папулярнай японскай музыкі і нататкі, звязаныя з культурай отаку ў Паўночнай Амерыцы і Японіі, а таксама — зрэдку — у астатніх частках свету[4]. На сайце размяшчаюцца аглядныя артыкулы, дзейнічае вэб-форум і энцыклапедыя, якая змяшчае вялікую колькасць інфармацыі пра анімэ і мангу ад японскіх і англійскіх вытворцаў, пра незразумелыя тэрміны, саўндтрэкі, даступныя кароткія апісанні сюжэту і карыстальніцкі рэйтынг[5].
Сайт был заснаваны Джасцінам Сэвакісам (англ. Justin Sevakis) у ліпені 1998 года. У мае 2000 г. да каманды далучыўся бягучы галоўны рэдактар Крыстафер МакДональд (англ. Christopher Macdonald), які замяніў мінулага рэдактара Айзэка Александэр (англ. Isaac Alexander). 7 верасня 2004 года амерыканскі тэлеканал Sci Fi Channel назваў Anime News Network сайтом тыдня. Па стане на люты 2008 года, ANN займае другі радок у рейтынгу 25-ці лепшых сайтаў паводле версіі Active Anime. Акрамя таго, сайт ўдзельнічае ў выданні часопіса Protoculture Addicts[6].