«Alice in Chains» (бел. «Аліса ў ланцугах») — амерыканскі рок-гурт з Сіэтла, створаны Джэры Кантрэлам і Лэйнам Стэйлі ў 1987 годзе. У пачатку 1990-х калектыў атрымаў шырокую вядомасць на хвалі росту папулярнасці гранжу разам з «Pearl Jam», «Nirvana» і «Soundgarden». З моманту свайго ўтварэння група выпусціла пяць студыйных альбомаў, тры міні-альбомы, два канцэртныя альбомы, чатыры зборнікі і два зборнікі відэа. Колькасць прададзеных альбомаў па ўсім свеце перавышае 35 мільёнаў копій.