336-я рэакты́ўная артылеры́йская брыга́да — падраздзяленне ўзброеных сіл Беларусі. Месца дыслакацыі штаба — Асіповічы.
Вайсковая часць 12180 была сфарміравана ў 1972 годзе, калі ў адпаведнасці з Дырэктывай Камандуючага войскамі Чырванасцяжнай Беларускай ваеннай акругі і загадам камандзіра 51-й гвардзейскай артылерыйскай Аршанскай Чырванасцяжнай, ордэна Аляксандра Неўскага дывізіі быў утвораны 1360-ты рэактыўны артылерыйскі полк, узброены РСЗА «Град».
У 1983 годзе на базе 1360 рэап была сфарміравана 336-я рэактыўная артылерыйская брыгада 51-й гвардзейскай артылерыйскай дывізіі. На ўзбраенне рэабр атрымала РСЗА «Ураган».
У 1989 годзе брыгада атрымала на ўзбраенне РСЗА «Смерч» і прыняла ўдзел у у вопытна-даследчых тактычных вучэннях з баявой стральбой на палігоне Капусцін Яр.
У 2016 годзе на ўзбраенне брыгады пачалі паступаць РСЗА «Паланэз».