Май: Галілеа Галілей атрымаў ліст з Парыжа ад аднаго са сваіх былых вучняў Джакома Бадоера[en], у якім пацвярджалася чутка пра існаванне тэлескопа — прылады, якая дазваляе бачыць далёкія прадметы, сканструяванай галандскім оптыкам Іаганам Ліперсгеем[en] ў 1608 годзе[1]. Пазней Галілей удасканаліў тэлескоп і адным з першых выкарыстаў у якасці астранамічнай прылады для назірання за нябеснымі целамі.
26 ліпеня: Англійскі астраном і матэматык Томас Хэрыят па сваіх назіраннях у тэлескоп склаў першую карту бачнага боку Месяца, на некалькі месяцаў апярэдзіўшы Галілея[2][3].