Партызанскі атрад № 106 (атрад Зо́рына) (канец красавіка 1943 — ліпень 1944) — сямейны яўрэйскі партызанскі атрад, які дзейнічаў у Налібоцкай пушчы падчас Вялікай Айчыннай вайны. Камандзір атрада — Шолам Зорын, камісар — Хаім Фейгельман, начальнік штаба — Анатоль Вертгейм.
Да 25 сакавіка 1944 года атрад насіў назву «Сямейны атрад Зорына». Затым на падставе загада № 4 Беларускага штаба партызанскага руху па Баранавіцкай вобласці атрад быў перайменаваны ў самастойна дзейны «Партызанскі атрад № 106» Баранавіцкага партызанскага злучэння[1][2].