10.4 cm Feldkanone M. 15 (10.4 cm палявая гармата M. 15) — палявая гармата, стаяла на ўзбраенні Аўстра-Венгрыі падчас Першай сусветнай вайны. Гармата выраблялася кампаніяй Škoda.
Гармата 10.4 cm Feldkanone M. 15 была спраектавана фірмай Škoda для забеспячэння цяжкай артылерыйскай падтрымкі войскаў. Яе роля была аналагічная нямецкай 10 cm Kanone 14. Хаця гармата была цяжэй, чым K14, вага кампенсавалася высокай далёкасцю стральбы. Для транспартавання ствол павінен быў зняты і загружаны на транспартную машыну Rohrwagen. Дызайн быў тыповым для гарматаў Škoda тых часоў, з гідраўлічнай сістэмай аддачы і спружынным тормазам. Гармата аснашчалась клінавай засаўкай. У цэлым M.15 была добра ацэнена ў войсках, хоць яе вага рабіла хуткае разгортванне праблематычным.
Гарматы М.15 былі разгорнуты на ўсіх франтах, уключаючы невялікі атрад, адпраўлены ў Палесціну. Пасля Першай сусветнай вайны зброю перадалі ў Італію ў якасці рэпарацый дзе яны былі прыняты на ўзбраенне пад пазначэннем Cannone da 105/32. Гармата была адной з асноўных італьянскіх далёкабойных гарматаў у Другой сусветнай вайне і ўжывалася ў Паўночнай Афрыцы і Ўсходнім фронце. Тыя адзінкі, якія былі захоплены немцамі пасля італьянскай капітуляцыі ў 1943 годзе, атрымалі пазначэнне 10,5 см. Каноне 320 (i).
Чатыры гарматы М.15 выкарыстоўваліся Польшчай падчас польска-савецкай вайны.[1]