Ян Сычэўскі (польск.: Jan Syczewski; нар. 26 сакавіка 1937, вёска Стрыкі, Бельскі павет, Падляскае ваяводства, Польшча) — польскі палітык, дзеяч беларускай меншасці ў Польшчы.
Скончыў гуманістычны факультэт Гданьскага ўніверсітэта (1967)[1]. Дэпутат Сейма III склікання ў 1997—2001 гадах ад блока Саюз дэмакратычнай левіцы (абраны ў Беластоку)[1], прэзідэнт Беларускага грамадска-культурнага таварыства ў Польшчы. У 2001 годзе ў Мінску выказаўся супраць інтэграцыі Польшчы ў Еўрасаюз і назваў Беларусь абразчыкам дэмакратыі[2]. З 2002 па 2014 год дэпутат падляскага сейміка (да 2006 года віцэмаршалак).