У Вікіпедыі ёсць артыкулы пра іншых асоб з прозвішчам Абабурка. Янка Абабурка (1 верасня 1921, в. Морач, Нясвіжскі павет, Навагрудскае ваяводства, цяпер у Нясвіжскім раёне, Мінская вобласць — 23 ліпеня 2009, Манчэстэр, Вялікабрытанія) — беларускі праваслаўны святар у Вялікабрытаніі.
З лета 1944 г. — на эміграцыі. Быў у Арміі Андэрса. У Вялікабрытаніі з 1946 г. Браў удзел у грамадскім і царкоўным жыцці Манчэстэра. 13 кастрычніка 1963 г. у нямецкім горадзе Карлсруэ высвечаны ў святары Беларускай аўтакефальнай праваслаўнай царквы (БАПЦ) мітрапалітам Украінскай аўтакефальнай праваслаўнай царквы Ніканорам (Абрамовічам). Апекаваўся беларускімі прыходамі БАПЦ у Манчэстэры, Брэдфардзе, Нотынгеме, Бірмінгеме, Лондане, Кембрыджы, кіраўнік БАПЦ.
Пахаваны на мясцовых могілках Паўднёвых могілках (Манчэстэр).