Я́дзерныя сі́лы — сілы, якія дзейнічаюць паміж нуклонамі. Абумоўлены пераважна моцнымі ўзаемадзеяннямі. Характэрныя асаблівасці ядзерных сіл: малы радыус дзеяння (менш за 10−14 м), самыя магутныя з усіх вядомых узаемадзеянняў.
За кошт ядзерных сіл нуклоны могуць утвараць устойлівыя сістэмы — атамныя ядры. Вывучэнне ядзерных сіл важнае для далейшага высвятлення структуры атамных ядзер, механізмаў ядзерных рэакцый і іншага.