wd wp Пошук: ⬜

Юрый Пятровіч Арцюхін

У Вікіпедыі ёсць артыкулы пра іншых асоб з прозвішчам Арцюхін.

Юрый Пятровіч Арцюхін (руск.: Ю́рий Петро́вич Артю́хин; 22 чэрвеня 1930 - 4 жніўня 1998) — бортінжынер касмічнага карабля «Саюз-14», арбітальнай станцыі «Салют-3», Герой Савецкага Саюза, лётчык-касманаўт СССР — 30-ы савецкі касманаўт.

Біяграфія

3—19 ліпеня 1974 года здзейсніў касмічны палёт у якасці бортінжынера (камандзір экіпажа — П. Р. Паповіч) на касмічным караблі «Саюз-14» і арбітальнай станцыі «Салют-3» працягласцю 15 сутак 17,5 гадзін. Пазыўны — Беркут-2.

За паспяховае ажыццяўленне палёту і праяўленыя пры гэтым мужнасць і гераізм палкоўніку-інжынеру Арцюхіна Юрыю Пятровічу Указам Прэзідыума Вярхоўнага Савета СССР ад 20 ліпеня 1974 года прысвоена званне Героя Савецкага Саюза з уручэннем ордэна Леніна і медаля «Залатая Зорка» (№ 10746).

З 25 ліпеня 1974 года — касманаўт 3-га класа. З 11 снежня 1974 года — начальнік 2 аддзела ў ЦПК, старшы інструктар-касманаўт; курыраваў ваенныя праграмы. У 1975—1979 праходзіў падрыхтоўку ў групе па ваеннай праграме «Алмаз». У 1979—1981 рыхтаваўся да выпрабавальным палёту на касмічным караблі ТКС.

26 студзеня 1982 года адлічаны з атрада касманаўтаў у сувязі з прызначэннем на пасаду нам. начальніка 1-га ўпраўлення ЦПК па навукова-даследчай і выпрабавальнай працы (да 24 снежня 1987), з 10 снежня 1982 с.н.с. па спецыяльнасці «Ваенная кібернетыка, сістэмны аналіз».

З 3 сакавіка 1988 года палкоўнік Ю. П. Арцюхін у запасе.