Юрый Міхайлавіч Жучэнка (29 мая 1945, Пенза, Расія — 2015) — радыебіёлаг, эколаг, геафізік. Доктар біялагічных навук (1999, Расія; 2004, Беларусь), кандыдат фізіка-матэматычных навук (1977), прафесар (2010).
Скончыў Ленінградскі політэхнічны інстытут імя М. І. Калініна (спецыяльнасць «Фізіка дазіметрыі і засцярогі», 1970).
Працаваў у Цэнтральнай аэралагічнай абсерваторыі (г. Даўгапрудны, Расія; з 1970), Дзяржаўным навукова-даследчым цэнтры вывучэння прыродных рэсурсаў (г. Даўгапрудны, Расія; з 1974), Беларускім філіяле Усесаюзнага навукова-даследчага інстытута сельскагаспадарчай радыялогіі (1986—1990, загадчык фізіка-хімічнага аддзела, намеснік дырэктара па навуцы), Гомельскім дзяржаўным універсітэце імя Ф. Скарыны (з 2005, біялагічны факультэт, кафедра хіміі, прафесар).
Навуковыя інтарэсы: геафізіка (фізіка верхніх слаёў атмасферы); радыебіялогія; экалогія.
Медаль СССР «За працоўную доблесць» (1987).