Юрый Мікалаевіч Хлопаў (5 красавіка 1921, пас. Епіфань, Тульская вобласць, Расія) — беларускі спецыяліст у галіне радыёэлектронных сродкаў. Доктар тэхнічных навук (1964), прафесар (1967). Удзельнік Вялікай Айчыннай вайны.
Скончыў Маскоўскі інстытут інжынераў сувязі (кваліфікацыя «Інжынер-электрык», 1942).
Працаваў у службах ў г. Мыцішчы, Маскоўская вобласць (1945—1975, інжынер, старшы навуковы супрацоўнік, начальнік лабараторыі, начальнік аддзела; у 1945—1951 — Цэнтральны навукова-даследчы інстытут сувязі; у 1951—1956 — в/ч № 77989; у 1956—1975 — 22-гі Цэнтральны навукова-даследчы выпрабавальны інстытут і в/ч № 67947); Мінскім радыётэхнічным інстытуце (1980—1987, загадчык кафедры канструявання і вытворчасці радыёэлектроннай апаратуры).
Навуковыя інтарэсы: канструяванне і вытворчасць радыёэлектроннай апаратуры. 9 аўтарскіх пасведчанняў.