У Вікіпедыі ёсць артыкулы пра іншых асоб з прозвішчам Павалій. Юрый Аляксандравіч Павалій (5 жніўня 1940, Грозны) — беларускі архітэктар.
Скончыў Беларускі політэхнічны інстытут у 1969 годзе. Працаваў у Белкамунпраекце, з 1969 года — кіраўнік групы архітэктараў у Белдзяржпраекце.
Член Саюза архітэктараў СССР з 1973 года. Пражывае ў Мінску.
Асноўныя працы (у аўтарскім калектыве): будынак Вылічальнага цэнтра ЦСУ БССР па Партызанскім праспекце (1973—1977) у Мінску, навучальны корпус Пінскага індустрыяльнага тэхнікума (1980—1985), навучальна-лабараторны корпус Магілёўскага тэхналагічнага інстытута (1976—1980), Вылічальны цэнтр статупраўлення ў Гродне (1980—1984), інтэрнат у Лідзе (1985—1986).