wd wp Пошук:
    ⬜

    Комплекс будынкаў Магілёўскага дзяржаўнага ўніверсітэта харчавання

    Магілёўскі дзяржаўны ўніверсітэт харчавання

    Комплекс будынкаў Магілёўскага дзяржаўнага ўніверсітэта харчавання складаецца з галоўнага і лабараторнага карпусоў па праспекце Шміта, якія злучаны пераходам і ўяўляюць сабой адзіны архітэктурны комплекс. Галоўны корпус — 4-павярховы прамавугольны ў плане аб’ём, пабудаваны ў 1973 годзе па тыпавым праекце. Складаную аб’ёмна-прасторавую кампазіцыю лабараторнага корпуса, пабудаванага ў 1980 годзе па праекце архітэктараў Ю. Павалія, У. Начарава, С. Сеня, ствараюць зблакаваныя 6-павярховы і 1-павярховы (з вынесенымі наперад 2 аўдыторыямі па 100 месцаў) прамавугольныя ў плане аб’ёмы. Пластыку фасадаў 6-павярховага аб’ёма ўзбагачаюць падвойныя пілястры, рэбры, зашклёныя эркеры на ўзроўні 6-га паверху. Каларыстычнае рашэнне заснавана на кантрасце белага і блакітнага колераў сцен, абліцаваных керамічнай пліткай. У 6-павярховым аб’ёме па абодва бакі калідораў — аўдыторыі, кабінеты, у 1-павярховым — лабараторыі.

    Літаратура

    Тэмы гэтай старонкі (6):
    Катэгорыя·Будынкі і збудаванні Магілёва
    Катэгорыя·Будынкі і збудаванні Юрыя Павалія
    Катэгорыя·Праспект Шміта (Магілёў)
    Катэгорыя·Будынкі і збудаванні Сяргея Сеня
    Катэгорыя·Будынкі і збудаванні Уладзіміра Начарава
    Катэгорыя·Магілёўскі дзяржаўны ўніверсітэт харчавання