wd wp Пошук:

Юрка Мазура

Юрка Мазура (1916 — 4 лютага 1990) — беларускі грамадскі і культурны дзеяч, арганізатар беларускіх хораў.[1]

Біяграфія

Нарадзіўся ў 1916 годзе ў Полацку, дзе працаваў яго бацька. Дзіцячыя і школьныя гады правёў у літоўскім Укмярге. У 1928 годзе пераехаў з бацькамі ў Навагрудак. Служыў у польскім войску.

Падчас Другой сусветнай вайны ў часе нямецкай акупацыі быў камандзірам звязу ў эскадроне Барыса Рагулі. Пазней быў лейтэнантам беларускага аддзела ў Дальвіцкай выведчай школе.

Пасля вайны вучыўся музыцы ва Універсітэце Філіпа ў Марбургу ў Германіі. Стварыў беларускі студэнцкі хор, кіраваў ім, спяваў (меў прыгожы голас), апрацоўваў і пісаў песні.

У 1950-х прыехаў у ЗША. Жыў у Дэтройце. Працаваў у аўтамабілебудаўнічай кампаніі. Кіраваў хорам. Быў сябрам Беларуска-Амерыканскага задзіночання, першым старшынём Дэтройцкага аддзела арганізацыі. Радны БНР. Браў удзел у стварэнні беларускай праваслаўнай парафіі ў Дэтройце.

Памёр 4 лютага 1990 года. Пахаваны побач са сваёй маці на стараверскіх могілках у прадмесці Дэтройта.

Зноскі

  1. https://hardzin.livejournal.com/75237.html Эміграцыйная гісторыя ў асобах. 4 лютага. Юрка Мазура

Спасылкі

Тэмы гэтай старонкі (16):
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Нарадзіліся ў Полацку
Катэгорыя·Пахаваныя ў Мічыгане
Катэгорыя·Нарадзіліся ў 1916 годзе
Катэгорыя·Члены Наваградскага коннага эскадрона
Катэгорыя·Выпускнікі Марбургскага ўніверсітэта
Катэгорыя·Члены Рады Беларускай Народнай Рэспублікі
Катэгорыя·Беларусы ў Германіі
Катэгорыя·Члены Паветрана-дэсантнага спецыяльнага батальёна «Дальвіц»
Катэгорыя·Беларусы ў ЗША
Катэгорыя·Члены Беларуска-амерыканскага задзіночання
Катэгорыя·Кампазітары Беларусі
Катэгорыя·Памерлі ў 1990 годзе
Катэгорыя·Асобы
Катэгорыя·Памерлі ў Дэтройце
Катэгорыя·Памерлі 4 лютага