У Вікіпедыі ёсць артыкулы пра іншых асоб з прозвішчам Новікаў. Юдзім Залманавіч Новікаў (нар. 29 лютага 1908, Сураж, Віцебская губерня — 24 сакавіка 1986, Масква) — ваенны дзеяч, генерал-маёр (1959).
У Чырвонай Арміі з 1927 годзе. Скончыў ваенна-пяхотную школу (1930), Ваенную акадэмію імя М. В. Фрунзе (1941). Камандаваў стралковымі падраздзяленнямі.
У гады Вялікай Айчыннай вайны — начальнік штаба дывізіі і корпуса. Пасля вайны — начальнік штаба корпуса. Закончыў Ваенную акадэмію Генеральнага штаба (1950). З 1951 года — старшы выкладчык, з 1959 года — начальнік кафедры Ваеннай акадэміі імя М. В. Фрунзе. У 1969 годзе выйшаў у адстаўку.