У Вікіпедыі ёсць артыкулы пра іншых асоб з прозвішчам Шумейкер.
Юджын Шумейкер (англ.: Eugene Shoemaker, поўнае імя: Eugene Merle Shoemaker; 28 красавіка 1928, Лос-Анджэлес, штат Каліфорнія — 18 ліпеня 1997, Аліс-Спрынгс, Аўстралія) — вядомы амерыканскі вучоны геолаг, планетолаг. Заснавальнік новага кірунку — астрагеалогіі. Праславіўся на ўвесь свет як адзін з першаадкрывальнікаў каметы Шумейкераў-Леві 9, якая ўрэзалася ў Юпітэр.
Першы чалавек, рэшткі якога былі пахаваныя на Месяцы. Прах Юджына Шумейкера адправілі на борце апарата Lunar Prospector. Кратар на паўднёвым полюсе спадарожніка, куды трапіў апарат, атрымаў назву «кратар Шумейкер». Узнагароджаны Медалём Джэймса Крэйга Уотсана (1998).