Эрых Мендэ (ням.: Erich Mende; 28 кастрычніка 1916, Грос-Штрэліц, правінцыя Сілезія — 6 мая 1998, Бон) — нямецкі юрыст і палітык. Член СвДП, затым ХДС. У 1960—1968 гадах з’яўляўся старшынёй СвДП і ў 1957—1963 гадах узначальваў фракцыю ў бундэстагу. У 1963—1966 гадах Эрых Мендэ займаў пасаду федэральнага міністра па агульнагерманскіх пытаннях і адначасова віцэ-канцлера Германіі. Эрыху Мендэ належыць афарызм «Ордэны дапамагаюць адрозніваць палітыкаў ад афіцыянтаў».