У гэтага паняцця ёсць і іншыя значэнні, гл. Ляшнеўскі. Эрнст Ягоравіч Ляшнеўскі (нар. 29 чэрвеня 1941, в. Свідэршчына, Талачынскі раён, Віцебская вобласць — 15 мая 1989) — беларускі работнік сельскай гаспадаркі, Герой Сацыялістычнай Працы (1986).
З 1954 года працаваў у калгасе імя Дзімітрава Талачынскага раёна. З 1963 года – член КПСС.
З 1975 года – брыгадзір трактарна-паляводчай брыгады, якая першая ў раёне ўкараніла метад брыгаднага падраду.
У 1983 годзе стаў лаўрэатам Дзяржаўнай прэміі СССР, яму прысвоена ганаровае званне «Заслужаны работнік сельскай гаспадаркі БССР».
Дэлегат XХVІІ з’езда КПСС, член бюро РК КПБ.
Званне Героя Сацыялістычнай Працы прысвоена ў 1986 годзе за поспехі ў выкананні планаў па павелічэнні вытворчасці і продажу дзяржаве сельскагаспадарчай прадукцыі[1].