Эрнст Тэадоравіч Крэнкель (11 (24) снежня 1903, Беласток — 8 снежня 1971, Масква) — савецкі палярнік, прафесійны радыст, удзельнік першай савецкай дрэйфуючай станцыі «Паўночны полюс-1» і іншых арктычных экспедыцый.
Герой Савецкага Саюза, грамадскі дзеяч, дэпутат Вярхоўнага Савета СССР, член ВКП(б)/КПСС з 1938 года (кандыдат — з 1934). Радыёаматар-кароткахвалёвік, першы старшыня Рады Цэнтральнага радыёклуба (ЦРК) СССР, старшыня Федэрацыі радыёспорта СССР (1959—1971); радыёаматарскія пазыўныя — EV2EQ, U3AA, UA3AA, RAEM. Першы старшыня Усесаюзнага таварыства філатэлістаў (УТФ; 1966—1971).