Эма Пятроўна Сюба́рава (8 красавіка 1897, Валміера — 10 чэрвеня 1983) — беларускі вучоны ў галіне селекцыі пладовых культур. Доктар сельскагаспадарчых навук (1963). Заслужаны дзеяч навукі БССР (1967)[1].
Скончыла 1-ы Маскоўскі ўніверсітэт у 1924 годзе. З 1957 года загадчык аддзела, з 1972 г. загадчык, з 1974 г. старшы навуковы супрацоўнік лабараторыі селекцыі пладовых культур Беларускага НДІ бульбаводства і плодаагароднінаводства[1].
Аўтар сартоў вішні (‘Кистевая’, ‘Новодворская’, ‘Владимирская улучшенная’), слівы (‘Ранняя лошицкая’, ‘Минская’, ‘Белорусская’, чарэшні (‘Народная’, ‘Северная’, ‘Красавица’, ‘Мускатная’). Сааўтар многіх сартоў яблыні і грушы[1]..
У гонар Сюбаравай названы некалькі сартоў пладовых раслін, у тым ліку зімаўстойлівы сорт чарэшні ‘Памяць Субаравай’ і сорт яблыні ‘Памяць Сюбаравай’