wd wp Пошук: ⬜

Элізабет Бадзінтэр

Элізабет Бадзінтэр (фр.: Élisabeth Badinter; 5 сакавіка 1944, Булонь-Біянкур, Францыя) — французская мыслярка, філосаф, феміністка, пісьменніца, аўтар шматлікіх гістарычных і філасофскіх эсэ, прысвечаных жаночаму пытанню, мацярынству і ідэям французскага рэспубліканізму. Спецыялістка па эпохе Асветніцтва. Актыўная публіцыстка-змагарка за ідэі свецкага рэспубліканізму. Працягвае ідэі ўніверсалісцкага фемінізму, натхнённага ідэямі Кандарсэ, а ў 20-ым стагоддзі ідэямі Сімона дэ Бавуара. З’яўляецца найбольш прынцыповай, але не сляпой і вельмі крытычнай паслядоўніцай бавуарызму. У 21-ым стагоддзі Э. Бадзінтэр фактычна ўзначальвае французскі гэтак званы ўніверсаліцскі рэспубліканскі фемінізм. Выкладае ў Парыжскай Політэхнічнай школе.

Акрамя гэтага з’яўляецца надзвычай удалай бізнес-кабетай: узначальвае рэвізійны савет магутнай медыягрупы «Publicis», дзе валодае 10,16 % акцый.

У шлюбе з Раберам Бадзінтэрам, вядомым адвакатам, палітыкам і эсэістам.

Бібліяграфія

Сярод твораў варта прыгадаць наступныя (ніводны да гэтага часу не перакладаўся на беларускую мову):

«І ў дадатак каханне: гісторыя мацярынскага інстынкту ў 17-20 стст.» (L’Amour en plus : histoire de l’amour maternel (XVIIe au XXe siècle), 1980);
«Эмілі, Эмілі, аб жаночай амбітнасці ў 18-ым стагоддзі» (Émilie, Émilie, L’ambition féminine au XVIIIe siècle, 1983);
«Ён — гэта яна» (L’Un est l’autre, 1986);
«Кандарсэ. Інтэлігент у палітыцы» (Condorcet. Un intellectuel en politique, 1988, avec Robert Badinter);
«ХY, аб мужчынскай тоеснасці» (XY, de l’identité masculine, 1992);
«Памылковы шлях» (Fausse route : Réflexions sur 30 années de féminisme, 2003);
«Канфлікт: маці і жанчына» (Le conflit, la femme et la mère, 2010).

Зноскі

1 2 3 http://www.ajpn.org/personne-elisabeth-Bleustein-Blanchet-11251.html Праверана 8 верасня 2020.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #115366539 // Агульны нарматыўны кантроль — 2012—2016. Праверана 27 красавіка 2014.
↑ Elisabeth Badinter // filmportal.de — 2005. Праверана 9 кастрычніка 2017.
↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #115366539 // Агульны нарматыўны кантроль — 2012—2016. Праверана 13 снежня 2014.