wd wp Пошук: ⬜

Эльмар Кітс

Э́льмар Янавіч Кітс (эст.: Elmar Kits; 14 (27) красавіка 1913, Тарту — 24 сакавіка 1972, Тарту, Эстонія) — эстонскі жывапісец. Народны мастак СССР (1971).

Біяграфія

Скончыў у 1939 годзе Вышэйшую мастацкую школу «Палас» у Тарту, дзе займаўся жывапісам у класе вядомага эстонскага жывапісца прафесара Ада Вабэ. У 1940—1941 гадах выкладаў у Вышэйшай мастацкай школе ў Тарту, у 1944—1949 гадах у Тартускім мастацкім інстытуце.

У 1946 годзе разам з групай эстонскіх мастакоў правёў месяц у Арменіі, у 1947 годзе быў у сярэднеазіяцкіх рэспубліках, а ў 1955 годзе ў Карэліі.

Творчасць

Працаваў у тэматычнай карціне, пейзажы, нацюрморце, партрэце. Творчасці ўласцівы свабодная жывапісная манера і тонкасць каларыстычных вырашэнняў: «Згарэлы горад» (1943), «Начная хабанера» (1944), «Кемскі парог» (1955—1956), аўтапартрэт (1956), «Паводка ў Валгаметсе» (1960), трыпціх «Музыка, балет, выяўленчае мастацтва» (1961—1962), «Будаўнікі», «У. І. Ленін» (абодва творы 1969, Дзяржаўная прэмія Эстоніі 1970) і інш.

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 8: Канто — Кулі. — 576 с. — 10 000 экз. — ISBN 985-11-0144-3 (т. 8), ISBN 985-11-0035-8.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх