Элвін (Алвін) Тофлер (англ.: Alvin Toffler; 4 кастрычніка 1928, Нью-Ёрк, ЗША — 27 чэрвеня 2016, Лос-Анджэлес, ЗША[6]) – амерыканскі сацыёлаг і футуролаг, адзін з аўтараў канцэпцыі постіндустрыяльнага грамадства.
У яго асноўных працах праведзены тэзіс пра тое, што чалавецтва пераходзіць да новай тэхналагічнай рэвалюцыі, гэта значыць на змену першай хвалі (аграрнае грамадства) і другой (індустрыяльнае грамадства) прыходзіць новая, вядучая да стварэння (звышіндустрыяльнага) інфармацыйнага, або постіндустрыяльнага грамадства. Элвін Тофлер папярэджваў пра новыя цяжкасці, сацыяльныя канфлікты і глабальныя праблемы, з якімі сутыкнецца чалавецтва на зломе XX і XXI стагоддзяў.
Быў рэдактарам папулярнага часопіса Fortune і яго першая кніга была прысвечана развіццю тэхналогій і іх уплыву на грамадства. Затым ён падрабязна даследаваў зваротную рэакцыю грамадства на гэты феномен і змены ў грамадстве. Змест апошняй працы Элвіна Тофлер — моц ваенных тэхналогій, зброі, тактыка-стратэгічнага планавання і капіталізму ў XXI стагоддзі.
Быў жанаты з Хайдзі Тофлер, якая таксама футуролагам і сааўтарам шматлікіх кніг Элвіна.
Элвін Тофлер памёр у сне 27 чэрвеня 2016 года ў сваім доме ў Лос-Анджэлесе на 88-м годзе жыцця[7].