Эдуард Георгіевіч Багры́цкі, сапр. Дзю́бін (руск.: Эдуа́рд Гео́ргиевич Багри́цкий, сапр. Дзю́бин; 3 лістапада 1895, Адэса — 16 лютага 1934) — рускі паэт.
Першыя вершы (1915—1916) — стылізаваныя, умоўна-рамантычныя. У лірычных вершах і паэмах перыяду грамадзянкай вайны («Птушкалоў», «Тыль Уленшпігель», «Карчма», «Кавун» і інш.) рамантычныя вобразы свабодалюбных, мужных людзей. Першы зборнік «Паўднёвы захад» (1928). Аўтар паэм «Дума пра Апанаса» (1926), «Люты» (1934, апубл. 1936), паэтычнай трылогіі «Апошняя ноч», «Чалавек прадмесця» і «Смерць піянеркі», зборніка вершаў «Пераможцы» (усе 1932) пра падзеі грамадзянскай вайны і сацыялістычнай рэчаіснасці. Перакладаў на рускую мову вершы Я. Купалы.
На беларускую мову яго творы перакладалі М. Багун, В. Болбас[6], С. Дзяргай, М. Хведаровіч.